Rampawn lama buhfai thawnchhuah dan dik lo haichhuak

Directorate of Revenue Intelligence (DRI) chuan Iran ramah buhfai ṭha, Basmati rice thawn-chhuah a nih danah thil fel lo leh sum tam tak tihchingpen a nih dan an haichhuak.

DRI chuan nikum chhung khan Iran ramah hian Bandar Abbas aiah Basmati rice hi dan kalhin metric ton nuai hnih chuang thawnchhuah a ni, a ti. Hei hi cheng vaibelchhe 1,000 hu a tling a ni.

Dik lo taka buhfai thawn-chhuah anih danah hian DRI leh agency dangte chuan Haryana leh Punjab-a exporter lian 25 chuang an chhui chiang mek.

Buhfai thawnchhuah tur hi Guajrat-a Kandla Port-ah exporter-te hian dahin, hetah hian custom thuneitute hnen aṭangin Iran rama thawnchhuak turin Shipping Bill an ziahfel a ngai a ni. Mahse an buhfai thawnte hi Iran thlenpui loin, Dubai lamah kal penpui a ni tih an sawi. Hetihlai hian buhfai man hi Iran aṭangin pek a ni thung tih an sawi bawk.