Pakistan-ah Pathankot beihnaa inhnamhnawih mi 3 man

Pakistan thuneitute chuan January thlaa Punjab-a firfiakten Pathankot-a Air Force Base an beihnaa inhnamhnawiha rinhlelh mi pathum chu Pakistan-a Punjab province-ah man an ni tih an sawi.

Counter-terro unit chuan mi pathum - Khalid Mahmood, Irshadul Haque leh Muhammad Shoaib te chu Gujranwala khuaa an in luah aṭangin an man a, an hruaina hmun erawh tarlan a ni lo. Heng mi pathumte hi Pathankot airbase beih a nih theihna tura puitu nia rinhlelh an ni.

Pakistan sorkar chuan kar hmasa khan airbase beih a nih chungchang chhui turin member panga awmna, Joint Investigation Team a lo din tawh bawm. He team hian a hmaa lo din tawh, Special Investigation Team a thlak nghal a ni. Pakistan hian India National Security Advisorar Ajit Doval-an airbase beih anih chungchanga information a pek zulzuiin thubuai hi a ziaklut a ni.