India : A zawnin ni li chhung hri kai tam ber ni a thleng

Coronavirus hrilengin zual lam a pan zel a, India ramah a zawnin ni li chhung hri kai hriatchhuah thar tam ber ni nimin khan a thleng ta a, kai hriatchhuah thar 6, 977 an awm.

Nimina Ministry of Health and Family Welfate Ministry report tih­chhuah chuan hrileng kai hi rampumah mi 1,38,845 an awm tawh a, enkawl dam 57,721 awm tawhin hri kai mek 77,103 an awm. Covid-19 vanga thi hi 4,021 an tling tawh a, MoHFA report tihchhuah hma darkar 24 chhungin thi 154 an awm belh. 

Enkawl dam tawh rate pawh pung ve zelin nimin thleng khan 41,57% a tling tawh a, MoHFA report tihchhuah hma darkar 24 chhung hian enkawl dam mi 3,280 an awm bawk.

Nimina MoHFA report tihchhuah aṭang hian India ram chu khawvela ram hrang hranga hri kai tam zualna ram 10 zingah a tel ta a ni.  

4    Maharashtra chu hrilengin a la nghawng nasa zual hle a, hripui leng kai 50,231 awm tling tawhin an tam fal hle. Nimina report tihchhuahah ringawt khan Maha state bikah hian mi 3,041 in an kai tih hriatchhuah thar leh a ni. Hetihlai hian enkawl dam lamah pawh hma an sawn zel a, enkawl dam thar 1,196 awmin a vaiin 14,600 an enkawl dam tawh a, hri vei mek 33,996 lai an la awm bawk. Thihpui 58 an awm tawh a ni.

4    Tamil Nadu-ah chuan hri kai hriatchhuah thar 765 an awm leh a, mi 16,277-in an kai tawh laiin 8,324 chu enkawl dam an ni ve leh tawh bawk.

4    Gujarat-ah pawh vei an pun belh zel a, hri kai hriatchhuah thar 392 awmin 14,056 laiin an kai tawh a, enkawl dam eng emaw zat awm ve reng mah se Tamil Nadu aiin thihpui an tam tawh zawk a, mi 858-in an thihpui tawh a ni.

4    Delhi dinhmun pawh a zual zel a, mi 13,418-in vei tawhin mi 508 hriatchhuah thar an awm a, thihpui 261 an awm tawh bawk. 

4    Rajasthan-ah chuan hriatchhuah thar 286 an awm a, 7,028-in vei tawhin thihpui 163 an awm tawh bawk.