Sorkar laipuiin UDAN hnuaiah civil aviation industry ṭhang nasa a ti

Civil aviation minister Jyotiraditya Scindia chuan Ude Desh Ka Aam Nagrik (UDAN) hnuaiah civil aviation industry chu a ṭhang nasa tih sawiin, ram chhunga thlawhtheihna hmanga inkalpawhna kawng 499 chu hman ṭangkai a ni tawh tih a sawi.

Sorkar laipui chuan kum ruk liam taa a hmalakna tura a tlangzarh, UDAN hnuaiahah mi vbc 1.3 te chuan thlawhtheihna chu zin veivah nan an hmang a, airline pali din belh bawk niin, tunah chuan thlawhna thar mamawh belhna hial a awm ta niin a tarlang. Airline thar zingah hian FlyBig, Star Air leh IndiaOne Air te an tel.

UDAN hnuaia thlawhtheihna hmasa ber chu Shimla - Delhi thlawk, April 27, 2017-a mi kha a ni. "UDAN hlawhtlinna chu thlawhtheihna mamawh belhna hial kan lo nei ta hi a ni" tiin sorkar laipui thuchhuah chuan a tarlang. Tourism atan te, insumdawn tawnna atan te leh tualchhung sum leh pai dinhmun siam ṭhat nana a ṭangkai thu sawiin, India chu khawvela civil aviation lama ṭhang nasa ber an nih thu an sawi a ni.