Tihar Jail-ah Covid-19 kai awm

Tihar Jail-a Staff Residential Complex, Central Jail No 7-a duty kum 45 mi assistant superintendent chu Covid-19 a kai tih hmuh chhuah a ni a, Tihar Jail aṭanga he hri kai hriat chhuah hmasa ber a ni.

Director General (Prisons) Sandeep Goel chuan kar liam ta Zirtawpni khan hri kai hriat chhuah assistant superintendent hi, a inlama a chhungte hmu tura haw a tum thu a sawi a, hemi ni veka a hawn hma hian Amrapali Hospital-ah hri a kai nge kai lo test a nei a, Pathianni khan a result-ah a kai tih hmuh chhuah a ni ta a ni, a ti.

Tihar Jail thuneitute chuan hri kai hmuh chhuah bul hnaia awm chhui kawngah a rang thei ang berin hma an la nghal a, jail-a thawk mi dang pakhat chu  test a ni a, mahse a result erawh a la chhuak lo a ni. Ani bakah hian mi dang pahnihte chu inlama quarantine tir nghal an ni bawk.