SC-in thlawhtheihnaa seat lai booking tih phalsak

Supreme Court chuan nimin khan thuchhuah siamin, Air India thlawh­theihnaa khualzinte ṭhutna, seat lai chu June 6 thleng booking pek phal a nih thu a sawi.

Bombay High Court chuan Covid-19 laka khual­zinte an him theih nan leh social distancing dan zawm ṭhat a nih theih nan, Air India thlawhtheihnaa seat lai chu booking pek a phalsak lo a ni. Mahse sorkar laipui leh Air India chuan Supreme Court-ah petition an thehlut a, hemi hnu hian court chuan ni 10 (June 6 thleng) chhung atan Air India thlawhtheihnaa khualzinte ṭhutnaa lai chu booking phal a nih thu a tichiang ta a ni. 

Directorate General of Civil Aviation (DGCA) leh Air India chuan zalen takin an dante an thlak thei a ni tiin, nimina Supreme Court  thurel kaihruaitu Chief Justice of India, Sharad Arvind Bobde chuan a sawi a ni. 

Union minister for civil aviation Hardeep Singh Puri chuan ram chhunga hri leng mek hian hniam lam a pan chuan July thlaah ram pawn thlawhtheihna thlawh tir tum a nih thu a sawi.