Delhi Police-ten Pachauri lakah thubuai thehlut

Delhi Police-te chuan Thawhlehni khan The Energy and Resources Institute (TERI) executive vice-chairman RK Pachauri chu a thawhpui ṭhin pakhatin nikum khan mipat hmeichhiatna lam hawia khawihah puhin complaint a theh lut a, he complaint behchhan hian man a ni.

RK Pachauri laka thubuai hi metropolitan magistrate Shivani Chauhan hnenah an thehlut. February thla khan police-te hian FIR an lo thehlut tawh a ni.

Police-te hian Pachauri lakah hian phek 1,400 zeta chhah charge sheet a thehlut a, a dang pawh thehluh belh thuai an tum.

February thlaa Pachauri laka FIR ziah luh a ni hnu hian hmeichhe dang pahnihte chuan TERI hotu hi an laka mawi lo taka cheah an rawn puh leh a, TERI hnuaia thawk mipa pakhat chuan complain thehluttu chungchang hi pawn lam mite hriat loha chingfel tura senior member-ten an nawr vangin a ban phah niin a sawi bawk.

Pachauri hi FIR thehluh a nih hnu hian bail-a chhuahtir mek a ni. Complaint thehluttu hian a ukil Parshant Mendiratta kaltlangin Dlhi High Court-ah anticiparotry bail phalsak a nihna hi ngaihtuah ṭha leh turin a ngen a ni.