Cabinet meeting-ah non-BJP minister tel ṭha

BJP kaihhruai NDA sorkar-a cabinet meeting buatsaih ṭhinah BJP aiin a thawhpui party dang minister-te an tel ṭha zawk.

RTI Act hmanga zawhna chhannaah, ET chuan kum 2014 May aṭanga 2016 February thlenga cabinet meeting record a pechhuak a, hetah hian cabinet meeting neih ṭhinkah non-BJP minister-te chuan thutlukna pawimawh siamnaah an tel ṭha zawk tih a tarlang.

Cabinet meeting neih tawha tel
ṭha ber chu Civil Aviation Minister leh TDP MP AG Raju a ni a, meeting vawi 84 neihah vawi 80 a tel. Scoial justice minister TC Gehlot chu meeting 78 ah a tel a, law minister DV Sadananda Gowda chu vawi 76 a tel bawk.

Minister zingah meeting-a kal ṭha lo zualte chu health minister JP Nadda, defence minister Manohar Parrikar leh rural development minister Birender Singh-te an ni.

NDA sorkar lakluh a nih aṭanga thla sarih chhung khan minister zingah hmeichhiate chu mipa aiin cabinet meeting-ah an tel ṭha zawk a, hemi chhung hian HRD minister Smriti Irani leh water resources minister Uma Bharati-te chu cabinet meeting-ah an tel kim. Mahse thla 20 hnuah hmeichhe minister-te hi an kal chhe tawh thung a ni.