Thingtlang khaw 6,000 ah electric eng pe tawh

Sorkar laipui chuan Prime Minister Narendra Modi-an kum thum chhunga thingtlang khaw 18,500 hnena electric eng pek a lo tiam tawh angin, heng zinga khaw 6,000 hnenah eng hi pek a ni tawh tih a sawi.

PM Modi-a kaihhruaia meeting neihah sorkarin infrastructure project a kalpui mekah hmasawn dan hrang hrangte an thlir ho a, hetah hian thingtlang khaw 6,000 hnena power supply pek thar an nih thu hi tarlan a ni.

Kum 2015 Independence Day lawmnaa thu a sawiah, PM chuan ni 1,000 chhungin thingtlang khaw 18,500 te chu electric eng pek vek an nih tur thu a lo puang tawh a ni.

Meeting-ah hian PM chuan 'Housing-for-All' programme chungchang pawh sawichhuakin, official-te chu prog-ramme a taka kalpuina tura a ṭul anga hma la turin a hrilh. Power, coal, housing port leh Digital India chung-changte pawh sawiho a ni bawk.