Biak-in suamsamtu mi pasarih man

Chhatisgarh state-ah Pathianni khan mi ṭhenkhatin Raipur-a Kristian Biak In pakhat an suasam a, Biak In chhunga inkhawm laite chu kut an thlak zui bawk.

Heng mite hian bike pathum hmangin Pathianni chawhnu lam khan Biak-In hi an pan a, an suasam hnuah an tlan chhe leh nghal niin a sawi. Pathianni zan khan pawikhawihna-a inhnamhnawih mi pasarihte hi man an ni.

Pathianni-a Biak-In suamsamtute hi Bajrang Dal pawl mite an ni a, pawikhawihna-ah hian mi 25 vel an tel niin an sawi. Biak-in an suasam lai hmutu pakhat chuan, Biak-In an suasam lai hian "Jai Shree Ram' tiin an au a, Kristiante chu sakhaw dang betute Kristian sakhua-a inleh tirah an puh bawk.

Biak-In beitute hian puitling bakah, naupang inkhawmte thlengin kut an thlak nia sawi a ni. Biak-in an beih lai hian inkhawm mi 65 vel an awm.