Gandhi-a thattu darkar 24 chhuahtir

Prime Minister hlui Rajiv Gandhi-a thattu, damchhung tang tura hrem, Nalini Sriharan chu Madras High Court chuan a pa thlahna inkhawma a a tel theih nan parole-in ni khat a chhuah a phalsak.

Nalini Sriharan-i pa hi thla hmasa khan a thi a, vawiin hian a pa puala hun buatsaih a ni leh dawn a ni. He huna a tel theih nan hian Nalini chuan court-ah ni thum chhung chhuah phalsak turin a dil a, mahse court chuan ni khat chauh a phalsak a ni.

Justice R Mala chuan nimin tlai dar 4 aṭanga vawiin tlai dar 4 thleng a chhuah hi a phalsak a, mahse hemi chhung pawh hian police-ten an veng reng tur a ni, a ti.