Vijay Mallya kal chhuah phal lo turin ngen

State Bank of India leh bank dangte chuan Supreme Copurt hnenah ngenna thlenin, dik taka sum thawnkuala puha thubuai siamsak, sum-dawng lian Vijay Mallya chu India ram a chhuahsan phal lo turin an ngen.

Supreme Court-ah hian SBI kaihhruain bank 17 ten petition hi an thehlut a, an thu theh-luh hi Chief Justice TS Thakur leh Justice UU Lalit awmna bench chuan vawiin hian a ngaituah ang. Mallya hian bank hrang hrang aṭangin loan tam tham tak a puk a, a loan ba hi cheng vaibelchhe 9,000 vel a tling tawh niin Attorney General Mukul Rohatgi chuan a sawi.

Rohatgi chuan Mallya hi NRI a nih vangin, a leiba chungchang ngaih-tuah a nih chhungin India ram a chhuahsan khapsak hi a ngai dawn a ni, a ti.