Religious Rights panel visa pek loh vangin US lawm lo

Indian embassay-in sakhaw zalenna atana beitu, US Commission of International Religious Freedom member-te hnena India ram an kal theihna tur visa a pek duh loh avangin America sorkar a lawm lo hle niin State Department official chuan a sawi.

State Department thupuangtu John Kirby chuan, "Indian embassy-in US Commission of International Religious Freedom member-te, March 4-a India rama kal tumte visa a pe thei lo tih kan hriatin pawi kan ti hle a ni" a ti. Kirby chuan commission hmalakna hi an thlawp thu sawiin, khawvel ram hrang hranga sakhaw zalenna palzut a nih dante zirchiangin hna pawimawh tak an thawk a ni, a ti.

John Kirby chuan, "Nikuma President Barack Obama'n India ram a rawn tlawh ṭum pawh khan India sorkar-in sakhaw tinte zalenna atana a hmalakna a thlawp thu pawh a lo sawi lang tawh a ni" tiin a sawi.

Mi tinin an sakhaw duh zawng zui turin zalen-na an nei a, sakhaw dang betute inenhran leh intihduhdahna thleng ṭhin chu tihtawp a ngai tih sawiin, sakhaw zalenna a awm chuan ram pawhin a chak phah niin a sawi.