Sonia-in women reservation bill pass thuai turin duh

Congress President Sonia Gandhi chuan hun rei tak tih-khawtlai tawh, legislative seat hmun thuma ṭhena hmun khat dahna tur, women reservaton bill chu pass thuai a duh thu a sawi.

Nimina Lok Sabha inkhawmah he thu hi sawi-in, Sonia Gandhi chuan Women Reservation Bill hi sorkarin a ngaihven tak tak a hun tawh a, parliament chuan a rang thei ang berin a pass tur a ni, a ti.

Sonia thil phut hi chhangin, Par-liamentary Affairs Ministr M. Venkaiah Naidu chuan sorkar chuan he bill chungchangah hian member pawmtlan theih leh inlungrual theihna tur a ngaihtuah mek a ni, a ti.

Women Reservation Bill hi kum 1996, September 12 khan khatih laia Prime Minister Deve Gowda kaihhruai sorkar hnuaiah a hmasa ber atan Parliament-ah pharh a ni. Kum 2010-a Congress kaihhruai UPA sorkar laiin he bill hi Rajya Sabha-ah pawm a ni tawh a, mahse Lok Sabha-ah a tlang thei lo thung.

Sonia Gandhi chuan Prime Minister Narendra Modi-an ram dinhmun siamṭha turin sorkar chuan hna ṭul ang apiang a thawk zel dawn a ni tih a lo sawi tawh angin, women reservation bill pawh chu a chinfel a ngai a ni, a ti.

Sorkarin pawl hrang hrangte ngaihdan chu ngaihthla a, sawihona hun neihte a remti tur a ni tiin, mipuite aiawhtu pawl hrang hrangte zalenna pekte pawh sorkar tih tur zingah a tel thu a sawi bawk.