EPF-a chhiah lak tum sut

Sorkar laipuiin em-ployees’ provident fund (EPF) aṭanga chhiah lak a tum chu labour union leh hnathawktu hrang hrangte aṭanga dodalna nasa tak a awm vangin nimin khan a sut leh.

Nimina Lok Sabha in-khawmah Finance Minister Arun Jaitley-a chuan EPF account lakchhuak turte aṭanga chhiah lak tumna chu sut a nih thu a sawi.

February 29-a Arun Jaitley-an union budget a pharh khan, sorkarin April 1 aṭangin EPF dah aṭanga chhiah lak a tum thu hi a tarlang a ni. Mahse he rawtna hi hnathawktute bakah eptu party hrang hrangten an dodal leh nawrna avangin Prime Minister Narendra Modi chuan ennawn leh turin a ti a, nimin khan rawtna siam hi sut a nih leh tak thu Finance Minister chuan a sawi ta a ni.