World Cultural Festival neih tumin sawisel a hlawh

Guru lar tak Sri Sri Ravi Shankar-an Yamuna lui kama World Cultural Festival buat-saih a tum chuan sawisel a hlawh hle. He festival hi naktuk aṭanga neih ṭan tum a ni.

Ni thum awh tur World Cul-tural Festival neih tur atan hian Yamuna lui kama ram acare 1,000 chuanga zauah hun hmanna tur hrang hrang buatsaih a ni a, yoga, meditation, ṭawngṭai leh cultural programm te neih tum a ni.

Festival neihna tura lui kama Sri Sri-a Art of Living Foun--dation-in hma a lak dante chu enfiahin, expert group chuan ram an tihchhiat nasat avangin cheng vaibelchhe 100 tal chawitir an ngai niin an sawi.

National Green Tribunal in festival neihna tur hmun enfiah tura a ruat, Professor CR Babu chuan foundation hian an inbuatsaihah tuipui kam ram hi an khawih chhe nasa hle tih a sawi a, siamṭhat lehna atan cheng vaibelchhe 100-120 tal sen a ngai dawn tih a sawi a, heng sumte hi foundation chuan a chawi ngei a ngai ang, a ti.

Festival neihna tur atan hia acre sarih-a zauah stage siam a ni a, he huh hmang tur hian ram 150 chuang atangin artish leh chhimtu mi 35,000 vel an an tel rin a ni. Art of Living chuan lui kamah thil lian tham sak thar an nei lo a, lei leh mobile tower ṭhiah leh theih mai tur chauh an siam niin an sawi thung.

Hetihlai hian Delhi Police-te chuan Festival neih turah hian innekbuai leh buaina dang a thlen mai a hlauhthawnawm hle tih an sawi a, Foundation-in Prime Minister leh VVIP-te ṭhutna tura stage a siamte pawh a him ṭha tawk lo niin Ministry of Urban Development hnenah ziakin a thlen. Central Public Works Department, Delhi sorkar leh Delhi Development Authority-te chuan festival neihna tur atan hian phalna an lo pe tawh a ni.