SC-in residential area-ah coaching centre dah lo turin ti

Supreme Court chuan chenna bial, residential area-a coaching centre awmte chu commerical area leh institutional area-ah sawnchhuak turin a a ti.

Chief Justice TS Tharkur leh Justice UU Lalit awmna bench chuan Rajasthan High Court-in chenna bial huam chhunga coaching centre awm a khapna thupek, Su-preme Court-a All Rajasthan Coaching Institutes Associa-tion in a khinletna a ngaih-tuahna-ah he thutlukna hi a siam ta zawk a ni. Bench chuan residential area-a coa-ching centre awm chu hmei-chhia leh kum upa lamte tan a hnawksak hle niin a sawi.

Bench chuan, "Zing leh tlaiah coaching center-a kal
ṭhalaite chu bike leh motor nen te an kal a, an zinga tam tak chu teikualin hmeichhia leh upa zawkte tan harsatna an thlen a ni. Hei vang hian coaching centre-te hi sumdawnna leh zirna in awmna bialah sawn chhuah an ni tur a ni a, residential area-ah an awm phalsak an ni lo ang" a ti.

All Rajasthan Coaching Institutes Association aiawhtu, senior advocate Kapil Sibal-an Rajasthan High Court thupek stay tur a dilna chu Supreme Court hian a hnawlsak a, ''Heng institution-te hi eng vangin mipui chenna bial chhungah a, khawtlang mipuite tana harsatna an thlen zui zel phalsak an nih ang?" tiin a chhang let a ni.