Allahabad University leh sorkar laipui an buai ve leh

Hyderabad Central University leh Jawaharlal Nehru University ten sorkar laipui nena harsatna an neih hnuah, Allahabad University pawhin buaina a nei ve leh.

Eptu pawlte chuan HRD Minister Smriti Irani chu Allahahad Uni-ver-sity zirlai pawl president, Richa Singh chunga inlulingah puhin, minister chu BJP zirlai pawl, ABVP tana thawktu ang maia cheah an puh.

Thuchhuah inṭawm siamin eptu pawlte chuan, sorkar chuan zirna inten thuneihna an neihte chu a ngaih pawimawh sak duh lo a, ABVP-te inlulinna chu a thlawp tlat avangin campus hrang hranga lungawilohna a awm chho zel a ni, tiin a sawi.

Rajya Sabha-a eptu hruaitu, Congress MP Ghulam Nabi Azad chuan, "University-te tihchhiat tuma beih meknaa inhnam-hnawihte hi kan hriat a ngai a ni" a ti. Azad chuan JNU zirlai pawl president, Kanhaiya Kumar chu a tihlum thei hnena lawmman pek intiam leh, a lei tansaka vautu an awm avangin venhimna pek a ngaih thu a sawi a, hei hi sorkar chuan chhangin venhimna ṭha tak pek a ni dawn tih a sawi.