Rajasthan Assembly-ah confidence motion pu lut

Rajasthan-a rorellai, Congress party chhunga buaina chinfel a nih hnuah nimina Assembly rorel inkhawmah parliamentary affairs minister Shanti Dhariwal chuan sorkar rin tawkna, confidence motion a pu lut. 

Motion pu luttu, Dhariwal chuan sorkar laipui chuan sum leh thuneihna hmangin Madhya Pradesh, Manipur leh Goa sorkar te paihthlak a lo tum tawh a, hetiang bawk hian Rajasthan-ah kalpui tum leh mah se a hlawhtling thei ta lo a ni, a ti. 

Chief minister Ashok Gehlote laka hel avanga deputy chief minister leh state congress president a nihna hlihsak, Sachin Pilot chu Rahul Gandhi leh Priyanka Gandhi Vadhra te a kawm hnuah  an state-ah hian kirin, an inrem leh thei a ni. Pilot chuan Delhi-a doctor a rawn hnuin a kir leh tih a sawi.