Bihar-a tuilian vangin mi 25 an thi tawh

Bihar-a district 16-ten tuilian an tuar mek a, Ningani thleng khan mi 25 in an thih phah tawh a, mi nuai 77 chuang nunphung a tibuai mek a ni.

Bihar state disaster management chuan tuilian tuar nasa zual district Darbhanga-ah mi nuai 20-ten  harsatna an tawh mek thu tarlang in, he district hi tuilian tuar nasa ber district an ni a, he district-ah hian mi 11 an thi tawh.

Muzaffarpur district aṭangin mi paruk an thi tawh a, Muzaffarpur aṭang pali, Saran leh Siwan district aṭangin pahnih ve ve an thi tawh bawk. Heng district-te bakah tuilian tuar nasa zual district-te chu Sitamarhi, Sheohar, Supaul, Kishanganj, Gopalganj, East Champaran, Khagaria, Samastipur, Madhubani, Madhepura leh Saharsa district-te an ni. 

Tuilian vang hian mi nuai 77.77 nunphung a khaihlak mek a ni. Tuilian tuarte chhanchhuah leh chhawmdawl hna hi NDRF and SDRF-te chuan an thawk a, tuilenna hmun aṭang hian mi nuai 5 chuang hmun him lamah an thiar chhuak tawh.