Modi leh Hasina-te'n ramri kaltlang rel kawng hawng dawn

Prime Minister Narendra Modi leh Bangladesh prime minister Sheikh Hasina-te chuan ramri paltlanga tlan tur, ram pahnihte inkalpawhna tur rel kawng, Agartala-Akhaura corss border rail link chu November 1, dar 11 hian online hmangin an hawng dawn.

India leh Bangladesh-in rel kawng inṭawm an siam hi ram pahnihte insumdawn tawnna kawnga hmasawnna thlentu a nih beisei a ni a, hei bakah hian Agartala aṭanga Kolkata kal hun chhung chu Dhaka paltlanga a pawh tawi beisei a ni bawk.

Rel kawng hi km 15-a thui niin, km 5 hi India ram chhunga awm a ni a, km 10 hi Bangladesh rama awm a ni thung. Karleh Thawhṭanniah hian rel tlan chhintir a ni bawk ang. Agartala-Akhaura rel kawng hian lei lian pakhat leh lei te pathum a paltlang a ni.

Tun dinhmunah rel hmanga Agartala aṭanga Kolkata thleng tur hian darkar 31 vel a ngai a, he rel kawng thar aṭang hi chuan darkar 10 velah a thlen theih dawn niin official-te chuan an sawi. Indian Railway chuan he rel kawng siamna atan hian sorkar laipui budget siamah Rs. vbc 153.84 a dah thu a sawi bawk.