Covid-19 hri kai enkawltu doctor-te Chawlh hahdam tir dan ngaihtuah turin ti

Supreme Court chuan nimin khan sorkar laipui hnenah thla sarih/thla riat chhung Covid-19 kaite enkawl  hna thawk tawh doctor-te chawlh hahdam tir dan ngaihtuah turin a ti. 

Court chuan hri kai te enkawla hun rei tak hna an thawh chhunzawm reng chuan doctor-te chu an taksa mai ni lo, an rilru thleng pawha a nghawng a hlauhthawnawm tih a sawi. 

Justice te - Ashok Bhushan, RS Reddy leh MR Shah awmna bench chuan Covid-19 kaite enkawl an nih dan leh, hospital-a hripui vanga thite ruang buaipui a nih dan chungchanga suo motu case chu nimin khan an ngaihtuah a ni. Bench chuan Solicitor generla Tushar Mehta hnenah doctor, hun rei tak hri kaite enkawl  hna thawktute chawlh tir dan ngaihtuah tur hian a hrilh. "Thla sarih/thla riat chhung chu doctor-te hian chawlh pawh nei thei loin an thawk zawm char char a ni. Hei vang hian chawlh neih tir an ngai a ni," a ti.