Bhutan lalin India rawn tlawh dawn

Ministry of External Affairs (MEA) chuan Bhutan lal, King Jigme Khesar Namgyel Wangchuck-a'n ni riat cham turin India a rawn tlawh dawn tih an puang. Wangchuck hi vawiinah India a rawn thleng ang a, prime minister Narendra Modi nen inhmuin, India leh Bhutan inzawmna chi hrang hrangte an sawi dun dawn a ni.

Bhutan lal hi Royal Government of Bhutan-a senior official ṭhenkhatin an rawn ṭawiawm dawn bawk a, Assam leh Maharashtra te tlawh bawkin, November 10-ah hian Bhutan-ah a let leh dawn a ni. MEA chuan inhriatthiam tawnna leh inrawn tawnna avangin India leh Bhutan chuan inzawmna ṭha leh nuam tak a nei thei a, tuna Bhutan lal lo kal pawh hian ram pahnihte inkara inzawmna ṭha tak awm sa bakah kawng hrang hranga hmalak dunna tur awm theite sawiho a nih dawn thu an tarlang.