New Delhi-a Israel embassy-ah Hamas mi hrente thlalak tar chhuak

India-a Israel embassy, New Delhi-a awm chuan Nilaini aṭang khan an embassy bangah Hamas-te'n Israel mi an hren mekte thlalak an tar chhuak. Israel khua leh tui, Hamas-in an hren mekte hi mi 200 an tling niin an sawi a, Hamas-te'n Gaza-a an hruai hnu hian an awmna chin hriat a la ni lo.

Israel embassy hian Indian journalist-te tan televised screening neiin, October 7-a Hamas-te'n Israel an beih thut ṭuma thil thlen dan leh Hamas-te chetna hnuhma an tarlang. Video pakhatah chuan firfiak pakhatin a chhungte hnena Israel mi thite ruang thla a lak a thawn ni ngeia rin hawng tura tiin, Juda tam tak a thah avanga lawmna au rawl hriat tur a awm a ni. Israel embassy-in video screening an neihah hian Hamas-te rawng taka an chetna hmuh tur tam tak a awm a, ambulance an kah dan te, ui kawng kan an kah dan te hmuh tur a awm bawk.