RBI-in Executive Director thar ruat

Reserve Bank of India (RBI) chuan Executive Director thar atan Manoranjan Mishra an ruat thu an puang. Executive Director-a ruat a nih hma hian Manoranjan Mishra hi RBI hnuaia Department of Regulation-ah Chief General Manager a ni.

Manoranjan Mishra hian Executive Director a nih ang hian RBI hnuaia Enforcement Department, Risk Monitoring Department leh Department of External Investments and Operations te a enkawl ang. RBI-ah hian kum 30 chuang a thawk tawh a, bank regulation bakah NBFC, supervision of bank leh currency management hnate thawk tawhin, national leh international level-a working group chi hrang hrangah member a ni tawh bawk. Heng hna a thawh chhung hian policy hrang hrang duangtu zingah a tel ṭhin bawk.