BS Yediyurappa-a'n Z-category security pek hlip turin ngen

Karnataka chief minister hlui leh BJP parliamentary board member ni bawk, B.S Yediyurappa chuan Z-category security pek a nihna chu hnukdawk turin union home minister Amit Shah a ngen. Home Ministry hian Yediyurappa hi Z-category security an pek tur thu hi puang tawh mah se Central-a thuneitute pawmpuina nghah phawt a la ngai.

Yediyurappa chuan,"Mipuite bula khawsa leh cheng ka ni a, venhimna khauh lutuk ka neih chuan mipuite ka bulah rawn kalin kan inkawm thei lo ang. A hmaa venhimna ka neih kha a tawk chauh a, pek belh ka ngai lo," tiin a sawi. Yediyurappa hian Lok Sabha inthlan lo tur atan state tour a nei chho ṭan a ni.

Z-category security pek a nih avang hian BJP chhungah inhnialna a awm phah a, state tour nei tura inbuatsaih mek a nih laiin vauna a dawn bawk avanga a nunna atana hlauhawm thei thil a awm niin ṭhenkhat chuan an sawi. Hetih lai hian ṭhenkhat chuan Lok Sabha inthlan lo awm tur atana a campaign-na leh a zin kualna vela a chet dan enthla tura venhimna pek belh nia ngai an awm bawk.