Health ministry-in damdawi chi 350 zawrh khap

Damdawi tlanglawn leh hman lar tak tak, damdawi dawrah pawh ualau taka zawrh chhuah ṭhin zinga chi 350 chu Union Health Ministry chuan zawrhchhuah leh hman a khap.

Health Ministry-in dam-dawi a khap zingah hian khuh damdawi lar tak, Phensedyl leh Corex pawh an tel a, heng damdawi a khap takte hi siam chhuah leh hralh khapna thupek a siam nghal a ni.

Damdawi a khapte hi hman sual a nih ṭhin avangin a him tawk lo niin minister chuan a sawi a, damdawi khap tak ṭhenkhat hi mi thiamten ruahman ang lo deuha siamte pawh a awm niin a sawi bawk. Ministry-in khapna thupek a siam thar chungchang hi vawiinah sorkarin a tihchhuah rin a ni.