Parliament-ah Azad-a thu-sawi duh lohna lantir tum

Congress party hruaitu Ghulam Nabi Azad-an Rashtriya Swayamsevak Sangh (RSS) leh Is-lamic State (IS) firfiak pawl a khaikhin chung changah BJP an lawmlo hle a, vawiina Parliament inkhawmah hemi chungchangah hi sawichhuah an tum.

BJP chuan an member-ten Azad-a thusawi hi sawichhuakin, thupha chawi turin an phut dawn tih a sawi. RSS leh firfiak pawl, IS khaikhin chu eng kawng mahin an pawmzam thei dawn lo tih an sawi.

Azad hian kar kalta Inrinni-a Jamiat Ulama-i-Hind inkhawm buatsaih a hmanpuinaah, "ISIS pawl hi RSS kan dodal ang bawkin kan dodal a ni. Islam zingah thil dik lo taka tite chu RSS aia an ropuina a awm lo" tiin a sawi a ni.

RSS thupuangtu chuan Azad hi chhang letin, RSS leh IS a khai-khin chu Congress party-in mipuite thluak suk a tum dan a tilang chiang hle niin a sawi a, RSS chuan Azad-a thusawi avang hian dan ang taka a chungah action lak a nih theih nan hma ala dawn a ni, a ti.

BJP pawhin RSS thlavang a hauh nghal vat a, RSS chuan ram hmangaihtu pawl a ni tiin, Azad chu thupha chawi turin a phut. Congress president Sonia Gandhi hnenah Azad hian a thu-sawi hi a sut leh loh chuan hrem turin an phut bawk.

RSS hian an pawl uniform atana khaki kekawr bul an hman chu kerkawrtlawn-a thlak an tum. He thu hi nimin khan RSS general secretary Suresh Bhaiyyaji Joshi chuan a puang a ni. Joshi chuan hun a danglam ang zelin an ni pawh inherrem an tum thu a sawi a, 'Kan uniform pawh thlakin, kekawr bul chu kekawr tlawnin kan thlak tawh dawn a ni" a ti. Mahse uniform thar an hman ṭan hun tur erawh a la sawilang lo.