FSSAI in vendor 20,000 training pe dawn

Food Safety Standards Authority of India (FSSAI) chuan mipuiten ei tur thiang-hlim leh hrisel zawk an lei theihna tura hmalakna kawng khat atan, Delhi khawpui chhunga kawtthlera thil zuar, vendor 20,000 chu kar li chhungin training a pe dawn.

FSSAI hian 'Project Clean Strategy Food' kalpui a nih tur hi nimin khan puangin, ei tur thianghlim leh him zawk neih a nih theihna atana project thawhna-ah hian sumdawng, media leh food expert-te an thawhpui dawn a ni. FSSAI hian sorkar laipui nen Skill India leh project dang eng emaw zat an thawkdun mek bawk.

Project hawnna-ah hian FSSAI CEO Pawan Agarwal chuan thu sawiin, ramchhunga ei tur hrisel tawk loh avangin harsatna a thleng mek a, ei tur thianghlim leh him zawk neih a nih theihna atan hian mipui leh sumdawngte chu an inrawlh a ngai a ni, a ti.