JNU panel-in report theh lut

Jawaharlal Nehru University (JNU)-in February 9-a campus chhunga firfiak Afzal Guru hriatrengna inkhawm buatsaiha ram dodalna thu aupui nia sawi chungchang chhui chiang tura a din, High Level Enquiry Committee (HLEC) chuan university thuneitute hnenah final report a thehlut.

JNU panel-in report a thehluhah hian February 9-a thil thleng kaihhnawihah zirlai ṭhenkhat hrem leh pawisa chawitirte chu tihtawp tura rawtna pawh a tel a ni.

University pawhin final report thehluh a nih tak avangin campus-a inkhawm buatsaihtua puh, zirlai pariatte hremna pawh kar kalta Inrinni aṭang khan a tawp nghal tih a sawi. Hemi rual hian buaina thleng kaihhnawihah hian an fihlim ta vek tihna erawh a ni lo tih a sawi nghal bawk.

Report thehluh hi Vice-Chance-llor Jagadesh Kumar chuan a ennawn ve leh mek a, tunkar chhung hian a ṭul angin action lak a ni ang.

Hetihlai hian JNU Students' Union (JNUSU) chuan VC Kumar hi an hmu a, JNUSU in HLEC lakah resolution an siam thu leh, committee thutlukna siamte chuan zirlaiten an pawm loh tur thu an hrilh. JNUSU council thutlukna siamte chu VC hnenah hian an hriattir nghal a ni.