Free ration scheme kum 5 atan pawtsei leh

Prime minister Narendra Modi chuan thla tina mi mtd. 80 tana ration kaltlanga buhfai kg. 5 a thlawna pek ṭhin chu kumin December-a tawp tawh tur ni mah se, kum 5 chhung atan kalpui chhunzawm leh rih tur a nih thu a puang.

Kum 2020-a tlangzarh, Pradhan Mantri Garib Kalyan Anna Yojana (PMGKAY) hi hripui leng avanga chhawmdawlna pakhat atana hman a ni a, hemi hnuaiah hian chhungkaw member pakhat zelin a thlawnin buhfai kg. 5 an dawng ṭhin. He scheme hi December 2022 kha a tawp hun tur ni mah se vawi tam tak pawhsei chhunzawm zel a ni a, union cabinet pawhin National Food Security Act (NFSA) hnuaia ration sem kaltlanga buhfai a thlawna pek tel chu kum khat atan a lo pawhsei leh tawh bawk. Hemi hnu hian Inrinnia Chhattisgarh rally-a thu a sawinaah PM Modi chuan PMGKAY scheme chu kum 5 dang pawhsei a nih tur thu hi a sawi leh a ni.