Jats hoin nawrh huaihawt leh

Haryana-a Jats hnam pawl hrang hrang chuan nimin state pumah nawrh an huaihawt.

Nawrh huaihawtte hian sorkarah thil phut pahnih an nei a, chu chu an hnam pualin OBC quota hnuaia reservation siamsak tur leh, thla hmasaa nawrh an huaihawt ṭuma an zinga mi ṭhenkhat thubuai siamsakte titawp turin an phut.

Jats hnam hian distrct tinah Deputy Commissioner hnenah memorandum an thehlut ṭheuh a, state sorkar chu an thil phutte pawmsak tur-in darkar 72 hun an pe a ni. An thil phutte hi tihhlawhtlin a nih loh chuan March 17 hian state pum-ah kawngpui leh rel kawngte dan lehah an vau zui nghal bawk.

Nawrh huaihawt a nih dawn vang hian state sorkar chuan buaina a chhuah venthawn thilah sora laipui hnenah paramilitary force thawnlut turin a dil a, nimin khan district pariat-ah paramilitary force-te hi duty tir an ni.