Jharkhand-ah al-Qaida training camp a awm

Delhi Police-te chuan Jharkand state-ah al-Qaida firfiak pawl training camp a awm niin an sawi.

Hindustan Times-in a tarlan danin, Delhi Police-te hian kar kaltaa court hnena application an thehluhah hemi chungchang hi an sawilang a ni. Police-te hian Jharkhand state mi, Abu Sufiyan an zawn mek thu court hi an hrilh bawk.

Abu Sufiyan hi Lashkar-e-Toiba (LeT) leh al Qaeda in Indian Sub-Continent (AQIS) firfiak pawlte enkaw, Pakistan-a terror camp-ah training turin a kal niin an sawi.

Police-te hian nikum December 14-a man, al-Qaida member Mohammad Asif laka chargesheet an siam turah hun pekbelh turin court hian a dil a, court pawhin an dilna hi a lo phalsak a ni.

Jharkhand Police-te chuan an state-ah al-Qaida camp a awm loh thu an sawi thung. Inspector General of Police (operation) MS Bhatia chuan state chhungah hian Indian Mujahidden-te training-na hmun chu a awm ṭhin a, mahse hei pawh hi manchhuah a ni tawh. Heng mite hi Patna leh Bodh Gaya-a bomb puaka mawhphurtute kha an ni' a ti.