Citizenship chungchang sawifiah turin Rahul Gandhi hrilh

Parliamentary ethics panel chuan Congress vice president Rahul Gandhi chu UK-a company pakhat legal paper-ah British citizen anga a inziah chungchang sawifiah turin a ti.

Lok Sabha Speaker Sumitra Mahajan chuan BJP MP Mahesh Giri-an Lok Sabah Ethics Committee hnena Rahul Gandhi chungchanga complain a thehluh thu a sawi. Member 11 awmna ethics committee senior BJP leader LK Advani-an a ho a ni. Committee hian Gandhi hnenah hriattirna pein, a chhanna pe turin a hrilh.

Hetihlai hian Congress hruaitute chuan Speaker hian Rahul Gandhi hi engmah thu zawtchiang hmasa loa a ko chu an dem thu an sawi.

Nikum November thla khan BJP hruaitu, Subramanian Swamy chuan Gandhi hian UK-a company pakhat legal paper-ah British citizen anga a inziah thu a lo sawichhuak tawh a ni. He company-ah hian Rahul Gandhi hi director leh secretary a ni tih a sawi bawk.

Mahse Congress chuan he companuy document dang hi a tlangzarh ve nghal a, hetah hian Gandhi chuan Indian tiin a inziak thung a ni. Congress chuan typing error vanga thleng nia sawiin, thil mak danglam a nih loh thu a sawi bawk.

Gandhi chuan dik lo taka thiltia an puhna chu hnawlin, a tih dik lo an finfiah thei a nih chuan jail-a tan pawh a ngam thu a lo sawi tawh a ni.