AIMIM hotu lei tansak thei tan lawmman siam

Meerut College-a zirlai hruaitu pakhat chuan All India Majlis-e-Ittehadul Muslimeen (AIMIM) hotu Asaduddin Owaise lei tansak thei hnenah lawmman, Rs 21,000 a pek tur thu a puang.

College Students Union president hlui, Dushyant Tomar chuan he thu hi Thawhlehni khan puangin, Owaisi lim hi Meerut khawpuiah a hal bawk a ni.

Tomar chuan Maharasahtra rally neihnaah AIMIM hotu hian 'Mother India dam reng rawh se' tih thu chu a sawi loh tur thu a tarlang a, he a thuawi hian India a hmangaih loh zia leh, India dodaltu a nih zia a tilang a ni, a ti. Lok Sabha member a nihna pawh hlihsak nghal tura a phut thu a sawi bawk. Owaisi Hyderabad aṭanga Lok Sahba MP ṭanglai a ni.

Thawhlehni khan Lucknow-ah a thusawi avang hian Owaisi lakah hian PIL thehluh a ni.

AIMIM hotu hian Pathiannia Maharashtra-a Latur district-a rally neihnaah RSS hotu, Mohan Bhagwa-t-an ṭhangtharte chu India an hmangaihna thu auhla zirtir ṭhat an ngai tawh a ni tia a sawi chu chhangin, a hrawka chemin tin mah se au hla hi chham ve kher a tum lo tih a sawi a ni. Owaisi chuan, "Consititution khawi laiah mah 'Bharat Mata Ki Jai' tia au tur tih inziahna a awm lo, a ti.

Nimina Rajya Sabha inkhawmah MP Javed Akhtar pawhin Owaisi thusawi chungchang hi sawichhuakin a dem thu a sawi. Akhtar chuan, 'Hruaitu pakhat, ram danpuia a inziah loh avanga ram a hmangaihna thu aupui duh lo pakhat a awm a ni. Ram danpui hian thawmhnaw ha tur leh lukhum khum tur pawhin a ti chuang hlei nem" tiin a sawi. 'Bharat Mata Ki Jai' tia au chu a duty a nih leh nih loh lam a ngaihtuah a, a dik a ni tih a hriat avanga au pui a ni tih a sawi.

AIMIM legislator Waris Pathan chuan Akhtar hi chhang let nghalin, a thusawi chu Muslim-ten
ṭawngṭainaa lukhum an khum ṭhin hmusitna a ni, a ti. 'Khawvel khawi hmunah pawh Muslim-ten ṭawngṭai dawn an a khum ṭhin a ni" a ti.