Jat reservation bill tikhawtlai

Haryana-a Jat hnam tana sorkar hna leh zirna-inareservation siamsakna tur bill chu state sorkar chuan a tikhawtlai. Hei vang hian Jats hnam hian nawrh an huaihawt leh a hlauhthawnawm hle.

Haryana Chief Minister ML Khattar kaihhruai BJP sorkar chuan Jat Reservation Bill hi pass lo tiam tawh mah se, state thuneitute chu bill siam dan tur kalphungah an inlungrual thei lo a ni.

Bill hi tihkhawtlai ni mah se, state sorkar chuan session neih mek chhungin pharh hman ngei a ni ang tih a sawi. Haryana Additional Chief Secretary (Home) chuan state sorkarin bill siam tur hi a ngaihtuah reng tih sawiin, Jat te chu nawrh huaihawt tawh lo turin a ngen nghal bawk.

Jat hnam hruaituten an hnam puala quota pekna tur bill siam tura state sorkar hnena darkar hnena darkar 72 hun an pek chu nimin kha a tawp a, buaina a chhuah palh venthawn thilah khaw hrang hrangah venhimna khauh taka kalpui nghal a ni. Jat hruaitute hian March 17-a sorkarin an thil phut a tihhlawhtlin loh chuan nawrh huaihawt lehah an lo vau tawh a ni.

Rohtak Range IGP, Sanjay Kumar chuan Jat-te awmna bial chhunga police duty dah belh an nih thu a sawi a, venhim hna thawktu tur an ngah tawh thu a sawi. Hetih-lai hian thla hmasaa Jat hnam-ten nawrh an huaihawt chhunga buai-na chhuak vang ami 30 zetin nunna an chan chung-changah, state police-te chuan buaina chhuak thunun zo lo leh hlawh-chhama puhin sawi-sel an tawk nasa hle. State sor-kar chuan IGP Shrikant Jadhav pawh a suspend phah a ni.