Shramik Special Train 40 thlenna tur hmun dik loah thleng

Tangkhangte phur hawtu Shramik Special train 40 vel chu an thlenna tur hmun ni loah an thleng nia sawi an ni. 

Sorkar laipuiin state danga tangkhang, an state lama hruai hawna tur special train a tlantir hmang hian mi tam tak chu hruai  haw an ni tawh a, hetih lai hian heng ral tlantir zinga 40 vel chuan kawng boin hmun dik loah an mi phurhte hi an thlenpui nia sawi a ni. 

Railway lam chuan rel tlantir hi an tam avangin rel eng emaw zat chu May 23 khan an tlanna kawng tihdanglam sak an ni tih a sawi. 

Railway Board chairman Vinod Kumar Yadav chuan special train tlantir zinga 80% hi Uttar Pradesh leh Bihar pana tlan an ni tih a sawi a, heng state pana rel tlan hi an tam avang hian rel ṭhenkhat kawng chu thlak sak an ni tih a sawi a ni.