EC-in candidate-te sum lakluhna tih lan tir tum

Election Commission of India chuan inthlanna thianghlim tak kalpui a nih theihna turin candidate-te chuan an thil neih zat tarlan bakah, an sum lakluhnate tarlan tel tir a tum.

Mahse political party hrang hrang chuan EC rawtna siam hi an sawisel.

Kar kalta Inrinni khan EC chuan political party 35 aiawhte chu a rawtna siam chungchang hi a sawipui a, he hunah hian Congress leh BJP aiawhte pawh an tel. Candidate-te sum hmuhnate tarlan tel rawt rualin, EC chuan inthlana chuh tumte tana security deposit chu tihsan a rawt bawk. Hei hi tih tak takna nei loa candidate-te thlitfimna atana tih a ni.

EC chuan vote thlak hma campaign theih darkar 48 chhung advertisement leh electronic media kaltlanga campaign khapna hman mek chu hman chhunzawm zel a rawt bawk.

Party hrang hrang aiawhte chuan EC rawtna dang tam zawk hi ṭha an ti tlang a,candidate-ten inthlan vuakveta an sum senso te enfiahna tur software siam rawtna pawh an pawmtlang a ni.

Mahse heng rawtna thar siam hrang hrangte hi kumina assemby inthlan neihna tur state pali-ah hman a ni dawn rih lo 9niin EC official-te chuan an sawi.