Bihar-in reservation quota tihsan tum

Bihar cabinet chuan winter session assembly an neih meka pharh turin, Scheduled Castes (SC), Scheduled Tribe (ST), Other Backward Classes (OBC) leh Extremely Backward Classes (EBC) te tana reservation siam ṭhin quota chu 50% aṭanga 65%-a tihsan rawtna a pawm a, bill hi vawiin hian pharh hman an tum.

Cabinet-in rawtna a pawm, 65% reservation dah hian Supreme Court-in reservation siam tam theih lam a bithliah a pel a ni.

Bihar chief minister, Nitish Kumar chuan an state-a caste survey neihna report sawiho a nih hnu lawkah Assembly hmaah reservation tihsanna tur hian rawtna a siam nghal a ni. CM Nitish Kumar hian an state population aṭanga 19.7% awm, SC te tan 16% quota an neih mek chu 20%-a tihsan a rawt a, population-a 1.7% nei ST te chuan 1% quota aṭanga 2% quota an neih a ṭul thu a sawi bawk.

Bihar-ah hian OBC hi 27% an ni a, CM chuan OBC te chu 12% quota pek an ngaih thu sawi bawkin, 36% awm, EBC te chu 18% quota pek leh, OBC leh EBC te hian belh khawmin 43% quota an neih a rawt a ni.