Uttarakhand-a thil siam 15-in GI tag hmu thar

Gegographical Indication (GI) tag hi hmun huam chin nei bika an thil siamte neitu nihna entirna a ni a, Uttarakhand-a thil siam chhuah 15 zet chuan GI tag hi an hmu thar a ni.

GI tag pek thar zingah hian London-a thingpui siam leh zuar ṭhinte'n an duh em em, Berinag tea an tih chu a tel a, Berinag tea te hi Himalaya ramhnuaia ṭo ṭhin thlai pakhat hnah aṭanga siam a ni. GI tag pek thar langsar zual zingah hian Bichhu buti fabric an tih chu a awm bawk a, Himalayan nettle fibre aṭanga siam niin, thlasik leh nipui thawmhnaw siamna atan an hmang nasa hle a ni.

Heng bakah hian buh chi khat, millet, Mandua an tih te, millet chi khat tho, jhangora te bakah, pulse pawimawh tak, hmun ro laia an chin ṭhin, damdawi atan pawha hmanlai aṭanga an lo hman nasat ṭhin Gahat te, buh sen an tih, lal chawal, Uttarakhand Purola region-a an chin hmasak ber te pawh GI tag pek thar zingah hian an tel a ni. Black soyabean-kala bhat te, malta thei te, chaulai te, hmarcha chi khat, Almora Lakhori mirchis te, Nainital mombati bakah pahari toor dal leh a dangte an tel bawk.