December 4-ah Parliament winter session ṭan dawn

Sorkar laipui chuan Parliament winter session chu December 4-a neih ṭan a ni dawn tih a puang a, December 22-ah a tawp ang. Winter session-ah hian ni 19 chhungin sitting 15 a awm tur thu union parliamentary affairs minister Pralhad Joshi chuan a sawi.

Winter session-a bill pawimawh sawi ho tur zingah chuan criminal law bill pathum; Indian Penal Code, Evidence Act, leh Code of Criminal Procedure te thlakna tur pawh an tel. Heng bill te hi Bharatiya Nyaya Sanhita (BNS), 2023, Bharatiya Sakshya (BS) Bill, 2023, leh Bharatiya Nagarik Suraksha Sanhita (BNSS) Bill, 2023 tia a thlak tum a ni. Session hnuhnung berah khan union home minister Amit Shah chuan House-ah pu lutin, zir chianna lo nei turin parliamentary committee kutah dah a ni. Heng bill bakah hian Chief Election Commissioner leh election commissioner-te ruat dan chungchang bill pawh sawiho tur zingah hian a tel. Session-ah hian amah hmu turte hnena pawisa dil ṭhina puh, Trinamool Congress MP, Mahua Moitra banna tur chungchang pawh ngaihtuah a ni bawk ang.