Uttarakhand-a lei hnuai kawng verh lai chimah mi 40 tang

Uttarakhand, Brahmakhal-Yamunotri national highway-a Silkyara leh Dandalgaon pawh tura lei hnuai kawng verh lai mek chu nimin zing kar khan chimin, he kawng verh chhungah hian hnathawktu mi 40 an tang mek.

He lei hnuai kawng verh mek hi kilometre 4 leh a chanvea thui niin, a chim chin hi metre 150 niin an sawi. Uttarkashi Superintendent of Police, Arpan Yaduvanshi leh a hote chuan chhiatna thlenna hmun hi thleng nghalin, chhanchhuah hna an thawk nghal niin Dunda Sub-divisional magistrate, Brajesh Tiwari chuan a sawi.

Chhanchhuah hna thawhnaah hian National Disaster Response Force (NDRF), State Disaster Response Force (SDRF), kangṭhelhtu pawl leh he kawng siam hna thawk mektu, National Highways and Infrastructure Development Corporation Limited (NHIDCL) mi leh sa ṭhenkhat an tel bawk.