Deepavali lawmnaah Ayodhya-in world record siam

Uttar Pradesh-a awm, Ayodhya khua chuan Deepavali lawmna chi khat atana bati an chhit hmangin, a ruala hmun khata bati chhi tam ber world record an siam. World record an siamnaah hian bati nuai 22 chuang chhit a ni.

Ayodhya-a Deepavali lawmnaah hian Uttar Pradesh chief minister, Yogi Adityanath chuan Ram-a'n Sita-i a chhanchhuah zawha a haw kawng entirna ni pah fawmin, sakawr chunga chuang chungin mipui hmaah a inlan a, Uttar Pradesh mipuite leh India mite zawng zawng chu Deepavali chibai bukin, eng lawmna hunpui chuan mi te ber leh rethei ber pawh beiseina a pek a duh thu a sawi.

Guinness World Record aṭanga kal, Swapnil Dangarikar leh consultant, Nischal Barot te chuan Ayodhya-in world record thar a siam hi puangzarin, a ruala hmun khata bati nuai 22.23 chhit a nih thu an sawi. Bati chhit a nih lai hian mipuite chu 'Jai Shri Ram' tiin an au rual bawk.