Reservation policy thlak danglam a ni lo : PM Modi

Prime Minister Narendra Modi chuan Dalits hnam tana reservation policy siam chu thlak danglam a ni dawn lo tih sawiin, mi tumahin an dikna chanvo chu an chhuhsak thei lo ang, a ti.

PM chuan ram danpui duangtu, BR Ambedkar chu mi hangte dikna chanvo humhalhna tura beitu, Martin Luther King nen a tehkhin a ni.

Nimina Ambedkar National memorial dinna tur lungphum a phumnaah he thu hi sawiin, Modi chuan, "Dalits leh tribal te tana reservation siam chungchangah thuneihna kan chan chhung chuan engmah thlak danglam a awm lo ang. Hetihlai hian mipuite hruai kawi tumin thu dik tawk lo te vawrh darh a ni fo ṭhin" a ti.

'Vajpayee a prime minister lai khan reservation tihbo a tum nia campaign a lo awm tawh a, mahse term hnih PM a nih chhungin chutiang thil engmah a thleng lo a ni' tiin Modi chuan a sawi.