‘Bharat Mata ki Jay’ sawi duh loh hi danpui zah lohna a ni : BJP

BJP National Executive chuan 'Bharat Mata Ki Jay' (Long Live Mother India) tih aupui duh loh chu ram danpui zah lohna lian tak a ni, a ti.

Parliamentary Affairs Minister M Venkaiah Naidu chuan Bharat Mata ki Jay’ tih chuan sakhaw thil nen inzawmna engmah nei lo tiin, ram hmangaihna leh zahna lantir a ni tiin a sawi.

Naidu chuan, "'Bharat Mata ki Jay’ chungchang inhnialna a awm hi thil mak tak a ni. Hei chu ramin a tihtur a ni. He thu kan sawi hian kan zahzia kan sawichhuahna a ni" a ti.

Tunhnaiah AIMIM leader Asaduddin Owaisi chuan RSS chief Mohan Bhagwat-a'n ṭhangtharte hnenah ram hmangaihnana leh he au hla te hi zirtir ṭhat an ngai tih a sawi chungchang chhang letin, a nghawngin chemin tin reng mah se 'Bharat Mata Ki Jay' tih chu a sawi ve loh tur thu a sawi-chhuak a ni. Owaisi thusawi hian sawizui a hlawh nasa hle a, BJP leh Congress party bakah party dang hruaitute chuan Owaisi hi an dem thu an sawi.