India khawpuite dinhmun hriatna tur portal tlangzarh

Sorkar laipui chuan 'AAINA dashboard for cities' web portal tlangzarhin, he portal kaltang hian India rama khawpui hrang hrangte dinhmun hriat leh thil pawimawhte tarlan a, hmuh theih a ni dawn a ni.

AAINA dashboard for cities hi Union Housing and Urban Affairs Ministry hmalakna niin, Urban Local Body (ULB) te hnathawh pawimawh tak tak leh sulhnute dah ṭhatna tur siam chu an tum ber a ni a, hei hi a duh apiangin an en theih tura buatsaih leh tum a nih thu thuneitute chuan an sawi. Ram chhunga ULB zawng zawngte chuan portal an buatsaiha dah khah mai tur form awmah an hmalakna leh hnathawhte awlsam takin an dah thei dawn a ni. ULB-te data theh luh aṭang hian portal dashboard-ah hian tehfung panga aṭanga teha pho chhuah tur a awm a; chungte chu - rorelna ruhrel dinhmun, sum leh pai dinhmun, ruahmanna neih, mamawh hmasak neih dan dinhmun, mipuite mil inkaihhruaina thu leh inrelbawlna dinhmunte tarlan a ni dawn a ni.