PM Modi-a'n scheme tlangzarh pahin India fan chhuah tum

Prime minister Narendra Modi chuan tribal dinhmun derthawng zual bik (Particularly Vulnerable Tribal Groups), mi nuai 28 te hmasawnna tur atana hnathawhna tur, PM-PVTG development mission chu tribal zalenna sualtu, Birsa Munda pian cham pualin vawiin hian a tlangzarh dawn. Birsa Munda pian cham hi Janjatiya Gaurav Diwas tiin kum thum chhung chu hman a ni tawh a ni.

PM-PVTG hnuaiah hian state 18 leh UT ṭhenkhata khawsa, tlawhpawh harsa tak tak hmuna tribal 22,000 te chu ṭanpui theih beisei a ni. PM hian sorkar hmalaknate ngaihhlut leh mipui tam zawkin an hriat theihna atana puangzar tura India fan chhuahna tur, 'Viksit Bharat Sankalp Yatra' a hmang dawn bawk. India fang chhuak tur hian tribal tamna district-te chu Modi hian kal hmasak a tum a, January 2024-a kal chhuah hman a tum. Hetianga district a kal kualnaah hian sorkar scheme ṭhenkhat tlangzarh leh mipui hrilh hriatna hman nghal a tum bawk.

Sorkar official-te chuan PM-PVTG hnuaiah hian PM-Gram Sadak Yojana, PM-Gram Awaas Yojana, Jal Jeevan Mission leh hmalakna dang 8 te pawh luh tel tum a nih thu leh, chung chu minister pakuate kaihhruaina hnuaiah khaw tum bik neia thawh a nih tur thu an sawi. PM-PVTG hnuaiah hian PVTG 75 te tana hmasawnna ruhrel chi hrang hrang, kawlphetha, tui, kawng, in, zirna leh inenkawlna thilte din leh buatsaih tum a ni.