BJP-in party candidate epa din tum Jitendra Meena ban

Rajasthan BJP chuan assembly inthlan lo awm tur atana Scheduled Tribe tana reserve Bassi constituency aṭanga an party official candidate epa din tum, Morcha tribe aṭanga Rajasthan BJP president hlui, Jitendra Meena chu an party aṭanga an ban thu an puang.

BJP hian Bassi constituency-a an party aiawha ding tur hian IAS retired, Chandramohan Meena an ruat a ni. Mahse Jitendra Meena hian BJP primary member ni chunga Bassi constituency aṭanga a hrana chuh a tum avangin Rajasthan BJP chuan an party kalha cheah puhin party aṭang hian ban a nih thu an puang zui a ni. Rajasthan state assembly hi November 25-a neih tura ruahman a ni.