Telangana MLA-ten hlawh san, car leh in pek an phut

Telangana sorkar chuan MLA leh MLC te hlawh 400% a tihsan a tum hnuah,roreltute hian sorkarah thil dang an phut belh leh.

MLA-te chuan committee hnenah an hlawh tihsan a nih bakah khawpui dang aṭanga lo kalte chu an state khawpui, Hyderabad-a in hmun pek an phut a, motor leina tur sum pe turin an phut tel bawk.

Telangana Legislature Committee on Amenities-in MLA te hlawh tihsan a rawtna hi pawm a nih chuan MLA te hian tuna an hlawh (allowance telin) thla khata Rs 95,000 an lak ṭhin chu thla khatah Rs nuai 3.5-ah tihsan a ni dawn a ni. Hei bakahh hian vehicle loan pek ṭhin pawh Rs nuai 15 aṭangin nuai 40-ah tihsan rawt a ni bawk. MLA leh MCL pension te hlawh pawh tihsan tum a ni bawk.

Telangana Legislature-ah hian MLA 120 leh MLC 40 an awm a, ex-MLA 292 leh ex-MLC 42 a awm a, hmeithai an pasalte pension latu 171 an awm tel bawk a ni.