Brussels-ah PM a zin dawn

Belgium khawpui, Brussels-ah Thawhlehni khan firfiakte pawi­khawihna rapthlak tak a thleng a, mahse sorkar lai­pui chuan March 30-a Prime Minister Narendra Modi-an zin a tum chu ṭhulh a ni dawn lo tih a sawi.

Thawhlehni khan IS firfiakte chuan Brussels-a airport leh metro station-ah thihchilh bomb an tipuak a, mi 30 chuang an thi a ni.

Prime Minister Modi chuan Brussels khawpuia pawikhawihna thleng chu a dem thu a sawi a, firfiakte pawikhawihna avanga thi chhungte chu a tuarpui thu leh, hliam tuarte chu an dam leh thuai theih nan duhsakna a hlan a twitter-ah a ziak lang.

Modi hian karleh Nilaini hian Brussels hi a tlawh dawn a, European Union-India Summit a hman bakah Belgium Prim Minister Charles Michel pawh a kawm nghal ang. Ram hruaitu pahnihte meeting neih tur buaipui hian official ṭhenkhat chu Brussels-ah hian an awm lawk tawh a ni.